بما ان فيه ناس تقريبا عاجبها تعيش في جهل مدقع و بتزعل من اللي بيحاول يعرفها الصح من الغلط و حقيقة العالم حواليها. و معظم اللي فاضلين سلبيين جدا وواخدين موقع الفرجة و بس و الواحد بقي حاسس انه بيحارب طواحين الهوا!
الدنيا متقسمة مابين مجموعة من الدونيين السوداويين، و مجموعة من "الهتيفة" و مجموعة اكبر من الاتنين اللي فاتوا واقفين يتفرجوا. مجموعة واحدة شبه منقرضة هي اللي بتحاول تعمل الصح و دول اغلبهم ساب البلد و ده احسن ليه علشان حقيقي كل اللي فاضل فيها"تقريبا" يستحق انها تولع و تتهد فوق رأسه!
انا بقي قررت اخد سكه "اياكش تولع" و خلاص.
البروفيل ده هقفله كمان يومين و هسيب الماسنجر علشان الأهل و الأصدقاء. كفاية قرف ما بين بشر متستاهلش غير حياه الحيوانات منجانب و من الجانب الاخر أسوأ كائنات حيه اللي مسؤولين عن مراقبة المحتوي العربي علي الفيس زفت.
خليكم في جهلكم و قرفكم و خليني اعمل حاجه مفيدة بوقتي ده.
من اللحظة ديه، مفيش حاجه ليها لازمة ولا معني هتتنشر لا هنا ولا علي البلوج ولا علي اليوتيوب ولا في اي مكان.
افرحوا بجهلكم، اشتموا البلد و الحكومة و ظروفكم و ولعوا في بعض و اوعدكم هجيب علبة فشار حجم عائلي و اعمل زي الأخ مايكل فيالصورة كده و انا بتفرج عليكم و انتم بتاكلوا في بعض علشان حقيقي ده نوع الحياه اللي تستحقوها مش اكتر من كده، و ممكن ابقياحدف لكم شوية سوداني زي ما بنحدف لاي نسانيس في اي جنينة حيوانات و نتفرج عليهم.
حقيقي وقتي اثمن بكتير من إني أضيعه مع ناس ٩٩٪ منهم لا يستحق. و لل ٩٩٪ دول: حقيقي جاتكم القرف!
لأول مره حقيقي احس "بالقرف" إني شايل نفس جنسيتكم! لو ينفع الواحد يشيل جنسية الماضي بس و يحرق جنسية الحاضر، كانعملها! حقيقي أغلبكم ميستحقش اي نقطة دم او عرق دفعها جندي او ضابط في سبيل الدفاع عنكم. للمرة التانية: جاتكم ستين قرف!
ليست هناك تعليقات:
إرسال تعليق